By admin
Apr 28, 2023
Prudvi Battula |
Updated on: Apr 28, 2023 | 8:50 AM
Apr 28, 2023 | 8:50 AM
ప్రస్తుతం ఎండలు మండిపోతున్నాయి. ఈ సమయంలో ఎండలో తిరగడం వల్ల డిహైడ్రాట్ అవడం సహజం. ఇదేకాక ఎండా కారణంగా చర్మ ఆరోగ్యానికి కూడా హాని కలిగే అవకాశం ఉంది.
వేసవిలో చర్మాన్ని కాపాడుకోవడం పెద్ద సవాలనే చెప్పాలి. ఈ కింది తేలికపాటి స్క్రబ్‌లు ఇంట్లోనే తయారు చేసుకుని వాడారంటే మీ ముఖకాంతి చెక్కుచెదరదు.. అవేంటంటే..
తేనె – కాఫీతో తయారుచేసిన ఫేస్ స్క్రబ్‌ చర్మ ఆరోగ్యానికి ఎంతో మేలు చేస్తుంది. రెండు టీస్పూన్ల తేనెలో అర టీస్పూన్ కాఫీ పౌడర్ కలపాలి. ఈ పేస్ట్‌ను ముఖంపై అప్లై చేసి చేతులతో 2 నిమిషాల పాటు మసాజ్ చేయాలి. తర్వాత చల్లని నీటితో ముఖాన్ని కడగాలి. ఈ స్క్రబ్‌ ముఖంపై పేరుకుపోయిన మురికిని తొలగించి చర్మం మెరిసేలా చేస్తుంది.
రెండు స్పూన్ల బెస్ట్ ముల్తానీ మట్టిని ఒక కప్పులో వేసి అందులో యాస్పిరిన్ ట్యాబ్లెడ్స్‌ వేయండి. పేస్ట్‌లా కలిపి ముఖానికి అప్లై చేసి 10 నిమిషాల తర్వాత నీటితో శుభ్రం చేసుకోవాలి. జిడ్డు చర్మానికి మంచి రిజల్ట్‌ ఇస్తుంది.
నారింజలో ఉండే విటమిన్ సి చర్మాన్ని కాంతివంతంగా, ఆరోగ్యంగా ఉంచుతుంది. ఆరెంజ్ పీల్ పౌడర్ తీసుకుని అందులో పచ్చి పాలు కలపండి. ఈ పేస్ట్‌ని ముఖానికి పట్టించి, 10 నిమిషాల నీటితో ముఖాన్ని కడగాలి.
కలబంద చర్మాన్ని కాంతివంతంగా మార్చడమే కాకుండా మచ్చలను కూడా పోగొడుతుంది. రెండు స్పూన్ల అలోవెరా జెల్ తీసుకుని అందులో ఒక స్పూన్ తేనె కలపాలి. ఈ పేస్ట్‌ను ముఖానికి పట్టించి, ఫేస్ స్క్రబ్‌లా రుద్దండి. తర్వాత చల్లని నీటితో కడిగేసుకోవాలి.
చర్మంపై మృతకణాలను తొలగించడంలో బియ్యం పిండికి మించిన రెమిడీ లేదు. బియ్యం పిండిలో కొంచెం కార్న్ స్టార్చ్ కలిపి పేస్ట్‌లా చేసుకుని, ముఖానికి అప్లై చేసి 5 నిమిషాల తర్వాత చల్లని నీళ్లతో కడిగేయాలి. ముఖం ఫ్రెష్‌గా కనిపిస్తుంది.
