కొందరు వరుస అవకాశాలు దక్కించుకుని స్టార్ హీరోయిన్ స్టేటస్ సంపాదిస్తే.. మరికొందరు ఒకట్రెండు సినిమాలతోనే కనుమరుగయ్యారు. ఈ కోవకు చెందిన నటీమణులు చాలానే ఉన్నారు.
తెలుగు చిత్రసీమకు ఎందరో హీరోయిన్లు వచ్చారు. కొందరు వరుస అవకాశాలు దక్కించుకుని స్టార్ హీరోయిన్ స్టేటస్ సంపాదిస్తే.. మరికొందరు ఒకట్రెండు సినిమాలతోనే కనుమరుగయ్యారు. ఈ కోవకు చెందిన నటీమణులు చాలానే ఉన్నారు. అందులో ఒకరు శ్రద్ధా ఆర్య. ఈమె టాలీవుడ్‌లోకి 2007లో ‘గొడవ’ సినిమాతో అరంగేట్రం చేసింది. మొదటి చిత్రంతోనే అందాల ఆరబోతకు ఎలాంటి హద్దులు లేవని చెప్పేసింది ఈ భామ. అందం, అభినయంతో ఆ సినిమా టైంలో కుర్రకారును ఊపేసింది. ఆ మూవీలో శ్రద్దా ఆర్య నటనకు మంచి మార్కులే పడ్డాయి. కానీ ఆ చిత్రం బాక్సాఫీస్ దగ్గర యావరేజ్‌గా నిలిచింది.
తెలుగులో కేవలం మూడు చిత్రాల్లోనే నటించిన ఈమె.. ఆ తర్వాత హిందీ, కన్నడ భాషల్లోనూ హీరోయిన్‌గా తన అదృష్టాన్ని పరీక్షించుకుంది. అయితే ఎక్కడా కూడా శ్రద్దా ఆర్యకు తగిన గుర్తింపు రాలేదు. వెండితెర పెద్దగా అచ్చి రాకపోయినా.. బుల్లితెరపై మంచి గుర్తింపు తెచ్చుకుంది ఈ బ్యూటీ. ‘తుమ్‌హారి పాఖి’, ‘కుండలి భాగ్య’, ‘డ్రీమ్ గర్ల్’ లాంటి సీరియల్స్‌లో నటించి ప్రేక్షకుల మన్ననలు పొందింది శ్రద్దా ఆర్య.
కాగా, న్యూఢిల్లీకి చెందిన ఈ భామ 2021 నవంబర్‌లో రాహుల్ అనే నేవీ ఆఫీసర్‌ను వివాహం చేసుకుంది. ఇక ఇప్పుడు పెళ్లి తర్వాత కూడా తన కెరీర్‌ను కొనసాగిస్తూ.. హిందీ బుల్లితెరపై పలు అవకాశాలు దక్కించుకుంటోంది.